Rehabilitering ved Firda fysikalsk-medisinsk senter

Aktuell rehabilitering av nakkeskader ved Firda fysikalsk-medisinsk senter er ein internasjonalt etablert undersøkings- og rehabiliteringsform. [1] og [2].

Pr. i dag eksisterer det i Norge ikkje annan dokumentert undersøkings- og behandlingsform for stabiliserande behandling for skader/endra funksjon i nakken:

Helsedepartementet gav i 2004 Sosial- og helsedirektoratet i oppdrag å foreta ein tverrfagleg gjennomgang av diagnostikk og behandlingstilbod i Norge for menneskje med nakkeslengassossierte skadar. I denne rapporten vert Firda fysikalsk-medisinsk senter som einaste norske rehabiliteringssenter omtalt med namn [3, s.25-26]. Firda fysikalsk-medisinsk senter får her positiv omtale for sitt arbeid. Vidare vert det etterlyst vitskapleg dokumentasjon også for behandlingseffekt. Konklusjonen i samme rapport seier: "I det videre arbeidet med nakkeslengassosierte nakkeskader vil de største utfordringene derfor være å fremme en kompetanseheving i primærhelsetjenesten, bedre tilbudene med sikte på tidlig behandling for å forebygge kronifisering og et styrket rehabiliteringstilbud til pasienter med kroniske plager. [3, s.32]"

Vi ser den nemnde positive omtale av Firda fysikalsk-medisinsk senter og aktuelle del av konklusjonen i klar samanheng. Dersom Norge hadde hatt tilsvarande eller betre rehabiliteringstilbod for denne pasientgruppa, ville ein vente at aktuelle stadar også ville vore oppgitt med namn. Så er ikkje tilfelle. På denne bakgrunn konkluderer vi med at denne fagleg sammensatte arbeidsgruppa ikkje fann andre rehabiliteringsstadar med spesialisert kompetanse på undersøking og behandling av denne type pasienter.

Vi viser vidare til Sosial- og helsedirektoratet sitt brev, sep. 2007, til Firda fysikalsk-medisinsk senter, med forespørsel mht prosjekt for vurdering av Firda fysikalsk-medisinsk senter sitt arbeid . Det vart så gjennomført eit pilotprosjekt i regi av UniFob Helse, Bergen. Dette forprosjektet viste til betydelege positive resultat av vårt arbeid, og konkluderte med at eit større prosjekt ville vere nyttig for den vidare utvikling. Sosial- og helsedirektoratet stilte seg positivt til dette. Pga trong økonomi i direktoratet anbefalte dei at nemnde prosjekt vart finansiert og vidareført utanfor Sosial- og helsedirektoratet.

Konklusjon

Aktuell informasjon syner at rehabilitering ved Firda fysikalsk-medisinsk senter er innanfor det norske helsevesen. I tillegg syner Sosial- og helsedirektoratet sin rapport at det ikkje eksisterer tilsvarande rehabilitering andre stader for denne pasientgruppa. Ekspertgruppa seier på side 24 i nemnde rapport: ”Det foreligger ingen nasjonale retningslinjer for behandling av pasienter med nakkesmerte, tilsvarande det som finnes for behandling av pasienter med lave korsryggsmerter”. Kun Firda fysikalsk-medisinsk senter er oppgitt med namn mht rehabilitering.

Referansar

[1] "Evaluation of cervical range of motion and isometric neck muscle strength: reliability and validity." Chiu TT, Sing KL. Clin Rehabil 2002;16(8):851-8.

[2] "Maximal voluntary isometric neck strength deficits in adults with whiplash-associated disorders and association with pain and fear of movement." Pearson I, Reichert A, De Serres SJ, Dumas JP, Cote JN. J Orthop Sports Phys Ther 2009;39(3):179-87.

[3] IS-1356– ”Nakkeslengsassosierte nakkeskader” Sosial- og helsedirektoratet 2006.